Psalms 77

1intellectus Asaph adtendite populus meus legem meam inclinate aurem vestram in verba oris mei ^va 2aperiam in parabola os meum eloquar propositiones ab initio ^va 3quanta audivimus et cognovimus ea et patres nostri narraverunt nobis ^va 4non sunt occultata a filiis eorum in generationem alteram narrantes laudes Domini et virtutes eius et mirabilia eius quae fecit ^va 5et suscitavit testimonium in Iacob et legem posuit in Israhel quanta mandavit patribus nostris nota facere ea filiis suis ^va 6ut cognoscat generatio altera filii qui nascentur et exsurgent et narrabunt filiis suis ^va 7ut ponant in Deo spem suam et non obliviscantur opera Dei et mandata eius exquirant ^va 8ne fiant sicut patres eorum generatio prava et exasperans generatio quae non direxit cor suum et non est creditus cum Deo spiritus eius ^va 9filii Effrem intendentes et mittentes arcus conversi sunt in die belli ^va 10non custodierunt testamentum Dei et in lege eius noluerunt ambulare ^va 11et obliti sunt benefactorum eius et mirabilium eius quae ostendit eis ^va 12coram patribus eorum quae fecit mirabilia in terra Aegypti in campo Taneos ^va 13interrupit mare et perduxit eos statuit aquas quasi utrem ^va 14et deduxit eos in nube diei et tota nocte in inluminatione ignis ^va 15interrupit petram in heremo et adaquavit eos velut in abysso multa ^va 16et eduxit aquam de petra et deduxit tamquam flumina aquas ^va 17et adposuerunt adhuc peccare ei in ira excitaverunt Excelsum in inaquoso ^va 18et temptaverunt Deum in cordibus suis ut peterent escas animabus suis ^va 19et male locuti sunt de Deo dixerunt numquid poterit Deus parare mensam in deserto ^va 20quoniam percussit petram et fluxerunt aquae et torrentes inundaverunt numquid et panem potest dare aut parare mensam populo suo ^va 21ideo audivit Dominus et distulit et ignis accensus est in Iacob et ira ascendit in Israhel ^va 22quia non crediderunt in Deo nec speraverunt in salutare eius ^va 23et mandavit nubibus desuper et ianuas caeli aperuit ^va 24et pluit illis manna ad manducandum et panem caeli dedit eis ^va 25panem angelorum manducavit homo cibaria misit eis in abundantiam ^va 26transtulit austrum de caelo et induxit in virtute sua africum ^va 27et pluit super eos sicut pulverem carnes et sicut harenam maris volatilia pinnata ^va 28et ceciderunt in medio castrorum eorum circa tabernacula eorum ^va 29et manducaverunt et saturati sunt nimis et desiderium eorum adtulit eis ^va 30non sunt fraudati a desiderio suo adhuc escae eorum erant in ore ipsorum ^va 31et ira Dei ascendit in eos et occidit pingues eorum et electos Israhel inpedivit ^va 32in omnibus his peccaverunt adhuc et non crediderunt mirabilibus eius ^va 33et defecerunt in vanitate dies eorum et anni eorum cum festinatione ^va 34cum occideret eos quaerebant eum et revertebantur et diluculo veniebant ad Deum ^va 35et rememorati sunt quia Deus adiutor est eorum et Deus excelsus redemptor eorum est ^va 36et dilexerunt eum in ore suo et lingua sua mentiti sunt ei ^va 37cor autem ipsorum non erat rectum cum eo nec fideles habiti sunt in testamento eius ^va 38ipse autem est misericors et propitius fiet peccatis eorum et non perdet eos et abundabit ut avertat iram suam et non accendet omnem iram suam ^va 39et recordatus est quia caro sunt spiritus vadens et non rediens ^va 40quotiens exacerbaverunt eum in deserto in ira concitaverunt eum in inaquoso ^va 41et conversi sunt et temptaverunt Deum et Sanctum Israhel exacerbaverunt ^va 42non sunt recordati manus eius die qua redemit eos de manu tribulantis ^va 43sicut posuit in Aegypto signa sua et prodigia sua in campo Taneos ^va 44et convertit in sanguine flumina eorum et imbres eorum ne biberent ^va 45misit in eos cynomiam et comedit eos et ranam et disperdit eos ^va 46et dedit erugini fructus eorum et labores eorum lucustae ^va 47et occidit in grandine vineam eorum et moros eorum in pruina ^va 48et tradidit grandini iumenta eorum et possessionem eorum igni ^va 49misit in eos iram indignationis suae indignationem et iram et tribulationem inmissionem per angelos malos ^va 50viam fecit semitae irae suae non pepercit a morte animarum eorum et iumenta eorum in morte conclusit ^va 51et percussit omne primitivum in terra Aegypti primitias laborum eorum in tabernaculis Cham ^va 52et abstulit sicut oves populum suum et perduxit eos tamquam gregem in deserto ^va 53et deduxit eos in spe et non timuerunt et inimicos eorum operuit mare ^va 54et induxit eos in montem sanctificationis suae montem quem adquisivit dextera eius et eiecit a facie eorum gentes et sorte divisit eis terram in funiculo distributionis ^va 55et habitare fecit in tabernaculis eorum tribus Israhel ^va 56et temptaverunt et exacerbaverunt Deum excelsum et testimonia eius non custodierunt ^va 57et averterunt se et non servaverunt pactum quemadmodum patres eorum conversi sunt in arcum pravum ^va 58et in ira concitaverunt eum in collibus suis et in sculptilibus suis ad aemulationem eum provocaverunt ^va 59audivit Deus et sprevit et ad nihilum redegit valde Israhel ^va 60et reppulit tabernaculum Selo tabernaculum suum ubi habitavit in hominibus ^va 61et tradidit in captivitatem virtutem eorum et pulchritudinem eorum in manus inimici ^va 62et conclusit in gladio populum suum et hereditatem suam sprevit ^va 63iuvenes eorum comedit ignis et virgines eorum non sunt lamentatae ^va 64sacerdotes eorum in gladio ceciderunt et viduae eorum non plorabuntur ^va 65et excitatus est tamquam dormiens Dominus tamquam potens crapulatus a vino ^va 66et percussit inimicos suos in posteriora obprobrium sempiternum dedit illis ^va 67et reppulit tabernaculum Ioseph et tribum Effrem non elegit ^va 68et elegit tribum Iuda montem Sion quem dilexit ^va 69et aedificavit sicut unicornium sanctificium suum in terra quam fundavit in saecula ^va 70et elegit David servum suum et sustulit eum de gregibus ovium de post fetantes accepit eum ^va 71pascere Iacob servum suum et Israhel hereditatem suam ^va 72et pavit eos in innocentia cordis sui et in intellectibus manuum suarum deduxit eos

^va